श्री रामचरित्र मानस अखंड पाठ व महाप्रसादाचे आयोजन
सनातन धर्म रक्षक समितीचे राष्ट्रीय अध्यक्ष आशिष रामाश्रय शुक्ल व राष्ट्रीय सरचिटणीस योगेश खैरनार यांच्या नेतृत्वाखाली पारस नाथ नगरी व उमरोली ग्रामसभा सनातन परिवारामार्फत श्री रामनवमीनिमित्त श्री रामचरित मानस अखंड पाठाचा पहिला भव्य कार्यक्रम आयोजित करण्यात आला होता. कार्यक्रम यशस्वीरीत्या पूर्ण झाला. शनिवारी सकाळी अखंडपाठ सुरू करण्यात आला आणि रविवारी पूर्णाहुती करण्यात आली, त्यानंतर भव्य भंडारा येथे सर्व भाविकांना महाप्रसादाचे वाटप करण्यात आले. या शुभप्रसंगी सनातन धर्म रक्षक समितीचे राष्ट्रीय अध्यक्ष आशिष रामाश्रय शुक्ल, राष्ट्रीय सरचिटणीस योगेश खैरनार व रामाश्रय शुक्ल, उमरोली ग्रामसभेचे सरपंच श्री.प्रभाकर पाटील यांना श्री रामचरित मानस व श्री रामनामी अंगवस्त्राची प्रत देऊन गौरविण्यात आले.
![](https://www.abmarathi.in/wp-content/uploads/2023/04/ramcharitrya-768x1024.jpeg)
शेकडो श्रीराम भक्तांच्या उपस्थितीत श्री रामचरित मानस अखंड पाठाचे यशस्वी आयोजन करण्यात आले. या कार्यक्रमाबद्दल आनंद व्यक्त करून उमरोली ग्रामसभेचे सरपंच प्रभाकर पाटील यांनी कार्यक्रमास उपस्थित सर्व भाविकांचे आभार मानले. सनातन धर्म रक्षक समितीच्या या भव्य सोहळ्यापासून लोकांनी प्रेरणा घ्यावी व भारतीय संस्कृतीचा समाजात जागर करण्यासाठी अधिकाधिक धार्मिक कार्यक्रमांचे आयोजन करण्यात यावे व भविष्यातही अशा प्रकारच्या कार्यक्रमास आपले सहकार्य केले जाईल, असे ते म्हणाले.